Sunday, May 23, 2010

ಗೊತ್ತಿಲ್ಲ ಮಗು

ಅಪ್ಪಾ...


ಏನೊ ಪುಟ್ಟಾ...?


ಲೈಲಾ ಮಜನೂ


ಪ್ರೇಮಿಗಳು ಅಂದ್ರೆ ಹಾಗಿರ್ಬೇಕು ಅಂತಾರೆ ಹೌದಾ..?


ಹೌದು ಕಣೋ..ನಿನಗ್ಯಾಕದು ಈಗ..?


ಅಲ್ಲಪ್ಪಾ ಲೈಲಾಗೋಸ್ಕರ ಮಜನೂ ಹುಚ್ಚನಾದನಂತೆ?


ಹೌದು ಕಣೋ ಹಾಗೆ ಅಂತ ಕಥೆಯಿದೆ..


ಮತ್ತೆ ಈಗ...ಲೈಲಾ ಯಾಕೆ ಹುಚ್ಚಿ ಆಗಿರೋದು..?


ಏನು ಹೇಳ್ತಿದೀಯೋ..? ಯಾವ ಲೈಲಾ..?


ಅದೇನಪ್ಪಾ ಮೊನ್ನೆ ಆಂಧ್ರಕ್ಕೆ ಅಪ್ಪಳಿಸಿದ ಲೈಲಾ


ಅಂತ ಟೀವಿ..ನ್ಯೂಸಿನಲ್ಲಿ ಬಂತಲ್ಲಾ...


ಹಹಹ..ನಂಗೊತ್ತಿಲ್ಲ ಮಗು.






ಅಪ್ಪಾ...


ಏನೋ ಮತ್ತೆ ನಿಂದು...?


ಬಿರುಗಾಳಿ..ಮಳೆ..ಚಂಡಮಾರುತ


ಹೀಗಂದ್ರೆ ನಮಗೆ ಅರ್ಥ ಆಗುತ್ತಲ್ಲಾ..?


ಹೌದು..ಯಾಕೆ ನಿನಗೆ ಅರ್ಥ ಆಗೊಲ್ಲವಾ?


ನನಗೆ ಅರ್ಥ ಆಗುತ್ತಪ್ಪ..ಆದ್ರೂ


ಲೈಲಾ, ಕತ್ರಿನಾ ಅಂತ ನಟಿಯರ ಹೆಸರಿಂದ ಕರೀತಾರಲ್ಲ


ಬಿರುಗಾಳಿ ತರಹ ಎಲ್ಲ ನಟರನ್ನೂ


ಗುಡಿಸಿಬಿಡ್ತಾರಂತಲ್ಲಾ ಅದಕ್ಕಾ....??


ಏಯ್ ಸುಮ್ನೆ ಓದ್ಕೊಳ್ಳೋದ್ ನೋಡೋ


ನಂಗೊತ್ತಿಲ್ಲ...