(ಚಿತ್ರ ಕೃಪೆ: ವಿಜಯಶ್ರೀ ನಟರಾಜ್ ರವರ ಫೇಸ್ ಬುಕ್)
ಹನಿಯಬೇಡ - ನಿಲ್ಲು
ನಿಲ್ಲು ನೀ ನಿಲ್ಲು ನೀ ಜಾರ ಬೇಡ...
ಹನಿಯಲಿಲ್ಲಿ ಹನಿಸಿಬಿಟ್ಟು ಕಾಡಬೇಡ
ದೂರ ಹೊಲದಿ ರೈತ ಕುಳಿತ
ಸೋತ ಭಾರ ಮನದಿ ತುಡಿತ
ಹನಿದು ಮುನಿದು ಹೀಗೆ ಇಳಿದು
ಸುರುಟು ಸಸಿಯ ಬರಿದೇ ನೋಡಬೇಡ
ಹೂವ ಮೇಲೆ ನಿನ್ನ ಮನಸು
ನಮ್ಮ ಮೇಲೆ ಏಕೆ ಮುನಿಸು
ಚಿತ್ರ ಗ್ರಹಣ ಅವರ ಶೋಕಿ
ಮೊಳಕೆ ಸಹಜ ನೀನು ತಾಕಿ
ಗಗನ ತೊರೆದು ಇಲ್ಲೇ ಇಳಿದು
ಕರಟು ಮೊಳಕೆ ಅರಿತೇ ದೂಡಬೇಡ
ಎಲ್ಲೋ ಸುರಿವೆ ಹೇಳು ಬೇಕೆ?
ನಿಲದೇ ಹರಿವೆ ತಾಳು, ಏಕೆ?
ಒಪ್ಪು ನಮಗೆ ನಮದೇ ತಪ್ಪು
ಹಸಿರ ತೆಗೆದು ತರಿಸಿ ಮುಪ್ಪು
ಮನ್ನಿಸೆಮ್ಮ ಹೀಗೆ ಮುನಿಯ ಬೇಡ
ನಿಲ್ಲು ನೀ ನಿಲ್ಲು ನಿ ಜಾರ ಬೇಡ...
