ಎದೆಯ ಮಿಡಿತ (ಮತ್ತೊಂದು ಕರವೋಕೆ)

ದಿಲ್ ತಡಪ್ ತಡಪ್ ಕೆ ಕೆಹ್ ರಹಾ ಹೈ...

ಚಿತ್ರ: ಮಧುಮತಿ, ಸಂಗೀತ: ಸಲೀಲ್ ಚೌಧರಿ, ಗಾಯಕರು: ಮುಖೇಶ್,

..........ಎದೆಯ ಮಿಡಿತದ ಹಿಡಿತ...........

ಎದೆಯ ಮಿಡಿತ ಹಿಡಿತ ತಪ್ಪಿ ಒಪ್ಪಿ ಕೂಗಿದೆ

ಬಾ ನಿನ್ನ ಸನಿಹ ಬಯಸಿದೆ, ಬಾ ಬಾರೆ ಬಾ ಎಂದಿದೆss.../೨/

ನೀನೇ ಇರದ ಮರದ ತಂಪ ಸೊಂಪು ಸೋತಿದೇss

ಸುಮದ ಮಧುರ ಸುಧೆಯ ಇಂದು ಬನವು ಬಯಸಿದೇss /ನೀನೇ ಇರದ/

                   ಇಂದು ಬನವು ಬಯಸಿದೆ /೨/                                           (ಗಂಡು ದನಿ)

ಎದೆಯ ಮಿಡಿತ ಹಿಡಿತದಲ್ಲೇ ತಾನು ನೆಲಸಿದೆ

ನಿನನ್ನೇ ನೆನೆದು ನಲಿದಿದೆ, ಓ ನಲ್ಲ ನೀನೇ ಎಂದಿದೇss ../೨/

ನೀನು ಬಂದು ನನ್ನ ಜೀವ ಹಿತವ ಕಂಡಿದೇ

ಜೀವಿಸಿಹೆನು ನಿನ್ನ ಪ್ರೀತಿ ಉಸಿರ ತುಂಬಿದೇ..ss /ನೀನು ಬಂದು/

                             ಪ್ರೀತಿ ಉಸಿರ ತುಂಬಿದೇ/೨/

ಎದೆಯ ಮಿಡಿತ ಹಿಡಿತ ತಪ್ಪಿ ಒಪ್ಪಿ ಕೂಗಿದೆ

ಬಾ ನಿನ್ನ ಸನಿಹ ಬಯಸಿದೆ, ಬಾ ಬಾರೆ ಬಾ ಎಂದಿದೆss...                                    (ಗಂಡು ದನಿ)
ಎದೆಯ ಮಿಡಿತ ಹಿಡಿತದಲ್ಲೇ ತಾನು ನೆಲಸಿದೆ                                                (ಹೆಣ್ಣು ದನಿ)

ನಿನನ್ನೇ ನೆನೆದು ನಲಿದಿದೆ, ಓ ನಲ್ಲ ನೀನೇ ಎಂದಿದೇss ..

ಮುಗುಳು ನಗೆಯ ಬೀರೋ ನಿನ್ನ ಸೊಬಗು ಇಲ್ಲಿದೇ..

ನಾನು ಎಲ್ಲೋ ಹೃದಯವೆಲ್ಲೋ ಒಂದೂ ತಿಳಿಯದೇ ss.../೨/          (ಗಂಡು ನಂತರ ಹೆಣ್ಣು ದನಿ)

                   ಎಲ್ಲೋ ಒಂದೂ ತಿಳಿಯದೇ../೨/

ಎದೆಯ ಮಿಡಿತ ಹಿಡಿತ ತಪ್ಪಿ ಒಪ್ಪಿ ಕೂಗಿದೆ

ಬಾ ನಿನ್ನ ಸನಿಹ ಬಯಸಿದೆ, ಬಾ ಬಾರೆ ಬಾ ಎಂದಿದೆss...                                         (ಗಂಡು)
ಎದೆಯ ಮಿಡಿತ ಹಿಡಿತದಲ್ಲೇ ತಾನು ನೆಲಸಿದೆ

ನಿನನ್ನೇ ನೆನೆದು ನಲಿದಿದೆ, ಓ ನಲ್ಲ ನೀನೇ ಎಂದಿದೇss ..                                         (ಹೆಣ್ಣು)                         

                         

ಅಮ್ಮಾ ನಾ -ನಿನಾದದ್ದು ತಪ್ಪಾ...??

ಚಿತ್ರ: ದಿ ಹಿಂದು ದಿನಪತ್ರಿಕೆ (ಕೃಪೆ)

ಹೆತ್ತ ಕರುಳಿನ ಆಕ್ರಂದನ

ಹೆತ್ತ ಕರುಳಲ್ಲಿ ಬಿದ್ದಿತೇ ಬೆಂಕಿ..!!

ನವಮಾಸ ರಕ್ತ ಮಾಂಸ ಹಂಚಿ

ಉಸಿರ್ತುಂಬಿ ಜೀವ ಕೊಟ್ಟು..

ಪ್ರಾಣ ಹಿಂಡೋ ಪ್ರಸವ ವೇದನೆ

ಹಸುಗೂಸು ಕಂದಮ್ಮನ ಅಳಲಿಗೆ

ಹೇಗೆ ಇಲ್ಲವಾಯಿತೋ ನಾನರಿಯೆ

ಪುಟ್ಟ ಪುಟ್ಟ ಕೈಗಳು ದೇಹ ಸೋಕಿ

ನವಿರು ಮೃದು ಸ್ಪರ್ಶದ ಬಿಸಿ ತಾಕಿ

ದೇಹದಣಿವಿನ ಬಿಗುವಿನ ಆ ಮನ

ಕಂದನಾಗಮನ ಅಳು ನಗುವಿನ

ಬಂಜೆಯೆಂಜರಿದ ಜಗಕೆ ಕೂಗಿ

ಹೇಳಿದ್ದೆ ಅಂದು, ಅಮ್ಮನಾ ಬೀಗಿ

ಬಂಜೆಯೆಂದರೂ ಜಗ ಪರವಿಲ್ಲ

ನನ್ನ ಕೂಸ ಹೆಣ್ಣೆಂದವಗೆ ತರವಲ್ಲ

ಅವನಲ್ಲವೇ ಕಾರಣ ಹೆಣ್ಣಿನ ಹುಟ್ಟಿಗೆ?

ಎರಡರ ಶಕ್ತಿ ತನ್ನದೆಂದು ಬೀಗುವವಗೆ

ಕೊಡಲಾಗಲಿಲ್ಲದವನು ಕೊಲುವುದೇ?

ನನ್ನ ತಾಯ್ತನವ ಹೀಗೆ ಹೀಗಳೆವುದೇ?

ಆಫ್ರೀನ್ ಹೆಸರು ನನ್ನಪ್ಪ ಆಮ್ಮ ಇಟ್ಟದ್ದು

ಕೆನ್ನೆ ಗುಳಿ, ಅರೆ! ಏನಿದು? ಗಾಯ ಸುಟ್ಟದ್ದು?

ಅಳು ಬಂತು, ಮುಲಾಮು ಹಚ್ಚಿ, ಮುದ್ದಿಸ್ದೆ

ನೋವನ್ನ ಹೇಗೆ ಸಹಿಸಿರ್ಬೇಡ ಯೋಚಿಸ್ದೆ

ಮತ್ತೆರಡು ದಿನ, ಮಗು ಏಕೋ ಅಳ್ತಿತ್ತು

ಸ್ನಾನ ಆದ್ಮೇಲೆ ಕೈಮೇಲೆ ಕೆರೆದ ಗುರ್ತಿತ್ತು

ಇವರಿಗೋ ಆಫ್ರೀನ್ನೋಡಿದ್ರೆನೇ ಬರೀ ಸಿಡ್ಕು 

ಎತ್ಕೊಳ್ರೀ ಅಂದ್ರೆ ಆಗೋರು ಬಾಲ ತುಳುದ್ಬೆಕ್ಕು

ಅಫ್ರೀನ್ ಹೆದ್ರೋಳು ಇವರ ಹತ್ರ ಹೋಗೋಕೆ

ಕಡೇಗೂ ರಾಕ್ಷಸ ಆಗಿ ಯತ್ನಿಸೋದೇ ಸಾಯ್ಸೋಕೆ?

ಆ ದಿನ ಏನೋ ಕೆಲ್ಸಕ್ಕೆ ಹೊರ ಹೋಗಿದ್ದೇ ತಪ್ಪಾಯ್ತು

ಕಂದಮ್ಮ ಆಫ್ರೀನ್ಗೆ, ಅವಳಪ್ಪನಿಂದಲೇ ಕುತ್ತಾಯ್ತು

ರಕ್ತ ಪೀಪಾಸು ಮೃಗವೂ ಕೂಸನ್ನು ಪರಚಲಿಕ್ಕಿಲ್ಲ

ಪರರ ಮಗುವನ್ನ ಭೀಕರ ಹುಚ್ಚನೂ ಚಚ್ಚಲಿಕ್ಕಿಲ್ಲ

ಅಯ್ಯೋ ವಿಧಿಯೇ..!! ಎಂತಹ ಪಾಪಿ ಅಪ್ಪನಿವನು??

ತನ್ನ ಕರಳ ಕುಡಿಯ ರಕ್ತ ಸಿಕ್ತಗೊಳಿಸಿ ಬಡಿದಿಹನು

ಸುಕೋಮಲ ತ್ವಚೆ ಪರಚಿದ ಇವನು ಮಾನವನೇ?

ಹೆಣ್ಣಾದರೇನು ತನ್ನ ಕೂಸಲ್ಲವೇ? ಕ್ರೂರ ದಾನವನೇ?

ಮಾತೂ ಬಾರದ ಕೂಸು ಎಷ್ಟು ಬಿಕ್ಕಿ ಅತ್ತಿರಬೇಡ?

ನೋವ ತಾಳಲಾರದೆ ಅತ್ತು ಅತ್ತು ಸೋತಿರಬೇಡ?

ಕ್ರೂರಿ ಅಪ್ಪನ ಮಗಳಾಗಿರಲು ಒಲ್ಲದೆ ಹೋದೆಯಾ?

ನೀನಿಲ್ಲದೇ ಬದುಕಿರಲಾರೆ ನಾನೂ ಬರುವೆ, ಬರುವೆಯಾ?

ಹನಿಯಬೇಡ - ನಿಲ್ಲು

(ಚಿತ್ರ ಕೃಪೆ: ವಿಜಯಶ್ರೀ ನಟರಾಜ್ ರವರ ಫೇಸ್ ಬುಕ್)

ಹನಿಯಬೇಡ - ನಿಲ್ಲು

ನಿಲ್ಲು ನೀ ನಿಲ್ಲು ನೀ ಜಾರ ಬೇಡ...

ಹನಿಯಲಿಲ್ಲಿ ಹನಿಸಿಬಿಟ್ಟು ಕಾಡಬೇಡ

ದೂರ ಹೊಲದಿ ರೈತ ಕುಳಿತ

ಸೋತ ಭಾರ ಮನದಿ ತುಡಿತ

ಹನಿದು ಮುನಿದು ಹೀಗೆ ಇಳಿದು

ಸುರುಟು ಸಸಿಯ ಬರಿದೇ ನೋಡಬೇಡ

ಹೂವ ಮೇಲೆ ನಿನ್ನ ಮನಸು

ನಮ್ಮ ಮೇಲೆ ಏಕೆ ಮುನಿಸು

ಚಿತ್ರ ಗ್ರಹಣ ಅವರ ಶೋಕಿ

ಮೊಳಕೆ ಸಹಜ ನೀನು ತಾಕಿ

ಗಗನ ತೊರೆದು ಇಲ್ಲೇ ಇಳಿದು

ಕರಟು ಮೊಳಕೆ ಅರಿತೇ ದೂಡಬೇಡ

ಎಲ್ಲೋ ಸುರಿವೆ ಹೇಳು ಬೇಕೆ?

ನಿಲದೇ ಹರಿವೆ ತಾಳು, ಏಕೆ?

ಒಪ್ಪು ನಮಗೆ ನಮದೇ ತಪ್ಪು

ಹಸಿರ ತೆಗೆದು ತರಿಸಿ ಮುಪ್ಪು

ಮನ್ನಿಸೆಮ್ಮ ಹೀಗೆ ಮುನಿಯ ಬೇಡ

ನಿಲ್ಲು ನೀ ನಿಲ್ಲು ನಿ ಜಾರ ಬೇಡ...